VOV4.K’ho- Mpồl Kwang bàng Quôk hội lơgar Mozambique bơh Củ tịc Quôk hội lơgar do lam bồ neh tus càr lơgar Hà Nội, sơnđờm dơ̆ lòt còp ngan ngồn Việt Nam bơh ngai 18- 23/06 jăt jơnau jà bơh ồng Vương Đình Huệ, Củ tịc Quôk hội Việt Nam.

Ƀí thư Tỉñ ủy Quảng Ninh wă rò Củ tịc Quôk hội Mozambique

Dơ̆ lòt còp ngan ngồn lơgar Việt Nam bơh Củ tịc Quôk hội bal mờ Mpồl kwang bàng Kộng hoà Mozambique dê nàng kờñ lơh kơ̆ kơl jăp mờ tơnguh rlau tai bơta gĭt gơ̆p lơh bơyô ờs mờng bơh yau mờ lơh broă bal uă bơta đah 2 lơgar, mơkung tơnguh bơta gĭt gơ̆p lơh broă bal đah Quôk hội Việt Nam mờ Quôk hội Mozambique. Di dơ̆ lòt còp ngan ngồn Việt Nam, mpồl kwang bàng ala măt Quôk hội Mozambique neh tus còp mờ lơh broă mờ càr Quảng Ninh. Mờ bơta gĭt gơ̆p lơh bơyô bal ờs mờng bơh yau mờ lơh broă bal uă bơta đah 2 lơgar, Củ tịc Quôk hội Mozambique pin dờn dơ̆ lòt còp dơ̆ do geh dong tơnguh rlau tai bơta gĭt gơ̆p lơh broă bal lơh bơyô bal đah Mozambique mờ Việt Nam đơs bal mờ càr Quảng Ninh đơs is, kwơmàng là tàm gah lơh broă sa sươn sre, kông nghệ viễn thông.

Cau mblàng Lơ Mu K’Yến