Tơngai lài, gĭt gơ̆p tam klăc bal ờs mờng bơh yau, lơh bơyô bal dờng màng ngan đah lơgar Việt Nam mờ Cuba pơn jăt tai geh chồl tơnguh mờ sơlơ tơnguh tai tàm jơh ală gah broă lơh dùl bă geh kwơ ngan mờ ngan ngồn rlau. Hiệp địñ Kă bro đah lơgar Việt Nam mờ Cuba ngan ngồn geh ai lơh jăt bơh nhai 04/2020 bal mờ jơnau hơ dong kờl kă bro pa, ai tơl bơta ƀươn ai tăc blơi phan bơna mờ lơgar ndai đah 2 lơgar in. Tàm dơ̆ lòt còp ngan ngồn tus lơgar Cuba, Củ tịc Quôk hội ồng Vương Đình Huệ rơ̆p geh ală dơ̆ cribơyai, tìp măt tơm bơh bơr mờ kwang bàng đơng lam bồ kâp dờng bơh Đảng, Dà lơgar bơh lơgar Cuba dê; tus bal lơh broă cíñ trị- đơs crih tam ya tơngkah kir sơnrai 60 nam ngai lơh Ủy ƀan Cuba tam klăc bal mờ tiah đah jum lơgar Việt Nam mờ sơnđờm ai mŭt lơh broă bàr pe broă lơh niam chài lơgar Việt Nam dê tàm La Habana; còp Đại sứ quán, tìp măt mờ ală cau Việt Nam tàm lơgar Cuba.