VOV4.K’ho - Mho mờ mang òr (24/03), tàm Hìu Quốk hội, Củ tịc Quốk hội ồng Vương Đình Huệ neh đơng lam dơ̆ lơh broă mờ Đảng đoàn Quốk hội mờ Ƀan Thường vụ Đảng ủy Kwang àng Dà lơgar bè ờ uă tơngu me tờm, tơngu me gam geh uă jơnau đơs ờ ndrờm bal bè ală rơndăp broă adăt, rơndăp broă Nghị quyết bơh Quốk hội geh Ƀộ kwang àng đơng lam sền sơwì, yal mờ Quốk hội tàm pơrjum dơ̆ 3, Quốk hội Khoă 15; cồng nha lơh jăt ală Nghị quyết bơh Quốk hội, kơrnoăt pơgồp bal đah Ƀộ Kwang àng mờ Hội đồng Dân tộc, ală Ủy ƀan tàm Quốk hội; ờ uă jơnau đơs bơh Đảng đoàn Quốk hội, Ủy ƀan Thường vụ Quốk hội tàm broă pơlam, bơ̆t bơtàu adăt boh lam bơh Ƀộ Kwang àng, tàm hơ̆ uă ngan là tàm broă bơ̆t bơtàu ală kơrnoăt gơrềng bal tus mờ đah sền gàr bơta lơngăp lơngai dà lơgar.

Đơs tàm dơ̆ lơh broă, Củ tịc Quốk hội ồng Vương Đình Huệ đơs niam gơnoar bơh kwang àng mờ broă lơh Quốk hội; đơs là, bàr gah pal tơnguh broă pơgồp bal jơnau tơngit, nàng dong kờl ai ală broă lơh bơh Quốk hội tàm broă lơh jăt broă bơ̆t bơtàu adăt boh lam, sền gròi dờng rơlao jơh, ai tơlik kơrnoăt ală bơta kwơ màng dà lơgar bal mờ broă lơh bal mờ lơgar ndai.

Cau mblàng Ndong Brawl