VOV4.K’ho- Mho ngai 20/3, tàm ƀòn dờng Hồ Chí Minh, Củ tịc Quôk hội ồng Vương Đình Huệ neh lơh broă mờ Ƀan Thường vụ Thàñ ủy Hồ Chí Minh bè cồng nha broă lơh đơng lam, pơlam mờ cồng nha lam lơh jat Broă rơndap lơh bơtàu tơnguh lơh sa- mpồl bơtiàn ƀòn dờng Hồ Chí Minh nam 2021, kơnòl broă tờm nam 2022; cồng nha lam lơh jat Nghị quyết sồ 54 bơh Quôk hội dê bè lam lơh tơrlòng lài kơ cế, broă lơh krơi is bơtàu tơnguh ƀòn dờng Hồ Chí Minh.

Củ tịc Quôk hội ồng Vương Đình Huệ

Bè gùng dà, kơnòl broă tàm tơngai tus, Củ tịc Quôk hội ồng Vương Đình Huệ tơngkah kwang đơng lam bồ ƀòn dờng Hồ Chí Minh pal sơlơ tơnguh broă bơt bơtàu, lơh niam wơl Đảng mờ anih lơh broă cíñ trị sàng goh, pràn kơldang, kơ̆ kơljap; bơt bơtàu dơlam is mpồl tam klac bal, ring bal, pơgồp bal bơta pràn, dùl nùs bal. Tơrgùm tàm broă lơh bơt bơtàu thể cế, lơh jat Nghị quyết pơrjum dờng dơ̆ 13 bơh Đảng dê mờ Nghị quyết pơrjum dờng Đảng ƀộ ƀòn dờng dơ̆ 11, kờp sền ală broă lam lơh, mhar geh jơnau rơcang lài bơtàu tơnguh lơh sa- mpồl bơtiàn, ală jơnau kờñ, broă geh jàu, kơnòl broă nàng tam gơl, bơ tơl gàr bơta dipal, gơtùi lam lơh jat ngan ngồn.

Cau mblàng K’Duẩn