VOV4.K’ho- Drim ngai 24/02, tàm Hìu Quôk hội, Củ tịc Quôk hội ồng Vương Đình Huệ neh lơh broă mờ Mpồl jăt sền bơh Ủy ƀan Thường vụ Quôk hội dê bè “Broă lơh jăt ală kơrnoăt bơh Ủy ƀan Thường vụ Quôk hội dê bè broă rơndăp tăp sèng ală anih lơh broă sră pơ àr kâp kơnhoàl, kâp xã tàm tơngai bơh nam 2019- 2021”.

Dơ̆ lơh broă bơh bơta đơng lam bơh Củ tịc Quôk hội ồng Vương Đình Huệ dê

Đơs tàm dơ̆ lơh broă, Củ tịc Quôk hội ồng Vương Đình Huệ sền bal ring bal mờ broă rơndăp lơh lam lơh jăt ală kơnòl broă loh làng tàm tơngai tus bơh Mpồl jăt sền dê, Củ tịc Quôk hội tơngkah, pơn jăt tai kơlôi sơnơng nền nòn jơnau yal bơh ală ƀộ, gah lơh broă, anih lơh broă dê, ngan là jơnau yal bơh Mpồl kwang bàng Quôk hội mờ Hội đồng Ñân zân mờ Mặt trận dà lơgar ală càr, ƀòn dờng gơwèt Dà lơgar. Củ tịc Quôk hội kung sồr lơh loh rlau gơnoar broă đơng lam bơh kâp ủy đảng dê, ngan là cau lam bồ ală tiah dê tàm broă lam lơh jăt gùng dà rơndăp tăp sèng anih lơh broă sră pơ àr dà lơgar kâp kơnhoàl, kâp xã, ai geh ală jơnau bơsram mờng chài nàng lam lơh jăt geh cồng nha rlau tàm tơngai tus.

Cau mblàng Lơ Mu K’Yến