Đơs tàm dơ̆ lơh broă mờ ală mpồl lơh broă tơnơ̆ tŭ lòt sền ù tiah lơh rơndap broă lơh ngan ngồn, Củ tịc Quôk hội ồng Trần Thanh Mẫn đơs loh, Ƀlàng rơndeh par ală lơgar Long Thành là rơndap broă lơh dờng ngan, geh Kwang đơng lam bồ Đảng, Dà lơgar sền gròi uă ngan. Do là rơndap broă lơh geh gơtha kuơmàng gơ wèt mờ bơtàu tơnguh lơh sa – mpồl bơtiàn, lơngăp lơngai dà lơgar bơh càr Đồng Nai dê, tiah lơh sa tờm ngan tiah đah jum mờ gùt lơgar dê, kờp dŭ cèng wơl 200 rbô broă lơh. Ƀlàng rơndeh par ală lơgar Long Thành geh kơp kơnờm gơ gơs là 1 tàm ală anih tờm ntrờn pơndiang gùng rơndeh par pa ngan tàm tiah do.

Bè tơngai lam lơh Ƀlàng rơndeh par ală lơgar Long Thành, tus tŭ do, neh lơh gơs bơnah broă jòi rờ ƀồm mền, cò tơnring, lơh pơng gàr; gam lơh broă lơh Hìu nac ơm, broă lơh gùng mù mờ par, gùng sồ 1 tàm tơrbŏ bal mờ gùng dờng 51 mờ 3 bơnah broă crăp lơh tờm. ală bơnah broă ndrờm neh sơrlèt rlau tŭ tơngai hơ pơrgon.