VOV4.K’ho- Di dơ̆ ồng Álvaro Elizarde geh pồ lơh Củ tịc Thượng viện mờ ồng Raul Soto Mardones geh pồ lơh Củ tịc Hạ viện lơgar Chile, ala mat Quôk hội Việt Nam, Củ tịc Quôk hội ồng Vương Đình Huệ neh pơyua sră nting bơr gờm chờ.

Tàm sră pơyua ồng Álvaro Elizarde, Củ tịc Thượng viện lơgar Chile mờ ồng Raul Soto Mardones, Củ tịc Hạ viện lơgar Chile, Củ tịc Quôk hội ồng Vương Đình Huệ ai tơnggŏ bơta chờ gờp sền gŏ git gơp lơh broă bal tơl làm đah Việt Nam mờ Chile gam bơtàu tơnguh niam bơnĕ; 2 lơgar pa tơngkah kir sơnrai 50 nam ngai crơng gơs git gơp lơh broă bal. Tàm tơngai tus, Củ tịc Quôk hội ồng Vương Đình Huệ kơp kờñ, pơgồp bal jơh nùs mờ Nghị viện Chile nàng kờñ tơnguh git gơp đah dà lơgar, Quôk hội mờ làng bol Việt Nam- Chile ngai sơlơ bơtàu tơnguh tàm jơh ală bơta, ngan ngồn, geh cồng nha, tài bơta kuơ ngan ngồn bơh làng bol 2 lơgar dê, tài ring lơngai, kơ̆ kơljap, lơh broă bal, bơtàu tơnguh tàm tiah do mờ tàm dunia.

Cau mblàng K’Duẩn