Tàm dơ̆ lơh broă, Củ tịc Quôk hội ồng Trần Thanh Mẫn jờng rơ ală cồng nha, bơta tă pơgồp kuơmàng bơh mpồl phàu crong gùt lơgar dê, tàm hơ̆ geh mpồl phàu crong Quân khu 3 tàm cồng nha bal bơh dà lơgar dê; mpồl phàu crong Quân khu 3 neh lơh niam kơnòl broă bơt bơtàu, sền gàr tiah kơl wàngt rồ, tiah dà lềng bơh dà lơgar dê, cèng wơl rài kis ring lơngai làng bol in.

Bè kơnòl broă tàm tơngai tus, Củ tịc Quôk hội ồng Trần Thanh Mẫn sồr Quân khu 3 pơn jat tai lam lơh jat niam rlau Jơnau lơh nền tàm pơrjum dờng Đảng gùt lơgar dơ̆ 13, lam lơh jat niam jơnau lơh nền tàm pơrjum bơh Quân ủy dà lơgar dê kung bè kơnòl broă ling klàng, sền gàr dà lơgar nam 2024. Củ tịc Quôk hội đơs nền, mờ nùs nhơm “ling klàng mờ làng bol bè ka mờ dà”, bal mờ mpồl kwang àng, mpồl ling sùm là 1 tàm ală mpồl lài ngan geh mat nàng dong làng bol rơcang lài pleh mờ bơsong jơnau gơ lời wơl bơh trồ tiah lơh aniai dê, ờ kờp glar bòl ngai mang.