Đơs tàm dơ̆ bơyai lơh, Củ tịc Quôk hội ồng Trần Thanh Mẫn đơs nền, ală jơnau đơs đơng lam mờ gùng dà ai tơlik lài bơh Tổng Ƀí thư ồng Nguyễn Phú Trọng dê gơ wèt mờ kơnòl broă bơt bơtàu, lơh sir Dà lơgar gơnoar adat boh lam xã hội củ nghĩa đơs bal mờ tam gơl pa rơndap broă, broă lơh bơh Quôk hội dê đơs is geh ai bơh bơta geh ngan li la, ai tơnggŏ broă wèt sền tơl làm bơh Tổng Ƀí thư dê; ai tơnggŏ bơta kơ̆ dơn bơnàng jă củ nghĩa Mác – Lênin, bồ tơngoh Hồ Chí Minh bè Dà lơgar gơnoar adat boh lam xã hội củ nghĩa. 

Củ tịc Quôk hội ồng Trần Thanh Mẫn sồr tơngai tus, Ƀan Tuyên giáo dà lơgar đơng lam pơgồp bal mờ Ủy ƀan Thường vụ Quôk hội, Hìu lip sră Cíñ trị dà lơgar Bơta geh ngan mờ ală anih lơh ƀău tơrgùm mblàng yal bè tơngume pang sră tus gal kwang bàng, đảng viên, cau tĕ khà mờ Làng bol mờ uă broă lơh li la, bơceh lơh, ngan ngồn, geh cồng nha.