Pơyoa tus Củ tịc Quôk hội lơgar Kộng hoà jat Yàng Islam Iran ồng Mohammad Bagher Ghalibaf  jơnau gờm chờ jơh nùs ngan rlau jơh, Củ tịc Quôk hội ồng Trần Thanh Mẫn tơngŏ bơta chờ hờp sền gŏ, tàm tơngai pa do bơta gĭt gơ̆p lơh bơyô bal mờ lơh broă bal đah lơgar Việt Nam mờ Iran đơs bal, đah 2 Quôk hội đơs is sùm geh bơt bơtàu mờ bơtàu tơnguh niam bơnĕ.  

Củ tịc Quôk hội ồng Trần Thanh Mẫn pin dờn là, tàm tơngai tus, bơta gĭt gơ̆p lơh broă bal đah 2 Quôk hội dê rơ̆p geh sơlơ tơnguh pràn kơl dang rlau tai, pơgồp bơnah ai bơta gĭt gơ̆p lơh broă bal đah lơgar Việt Nam mờ Iran ngai sơlơ bơtàu tơnguh jrô ơnàng làm uă tài bơta kwơ geh ngan bơh làng bol 2 lơgar dê.