Dơ̆ lùp mờ hơ jơnau lùp rơp geh lơh tàm 1 ngai mờ nggùl, tơrgùm tàm ală broă neh lơh gơtùi, ală bơta gam ờ niam tàm broă lam lơh jat ală Jơnau lơh nền tàm pơrjum bơh Ủy ƀan Thường vụ Quôk hội dê bè jat sền mìng dùl tơngume mờ lùp bơh bồ tơngai lơh broă Quôk hội khoă XV tus jơh nam 2023. 

Tàm dơ̆ lùp mờ hơ jơnau lùp dơ̆ do, Củ tịc Quôk hội ring bal, broă đơng lam rơp ờ tam pà jat tŭ tơngai ai tơl nă ƀộ trưởng, kwang atbồ gah broă lơh in nàng kờñ tơrmù bơta kơn jơ̆ cau hơ jơnau lùp in; tơl broă, cau ala mat Quôk hội rơp geh jơnau lùp bè ală broă mờ he sền gròi cèng bơta gơlik geh pah ngai, di tơngume tờm, di bơta tờm, pleh gơ mut tàm jơnau lùp mùl màl; kwang đơng lam ngac ngar rlau; bơnah pơn dut ai tơl broă pal lơyah. Củ tịc Quôk hội sồr Cíñ phủ, ală ƀộ, gah broă lơh dà lơgar pal tơn jơh broă pơyua jơnau yal tus Ủy ƀan Thường vụ Quôk hội lài mờ ngai 16/8.