Đơs tàm dơ̆ lơh broă, Củ tịc Quôk hội ồng Trần Thanh Mẫn đơs sùm ù tiah is ồn kwơmàng bơh ƀòn dờng Hải Phòng dê, là ƀòn dờng anih ơhò ơm, mpồng tờm lòt tus dà lềng mờ tàm tơrbŏ ală gơl gùng lòt rê gùng dà lềng ală lơgar bơh ală càr tiah đah tô dà lơgar dê; ờ huan ngan geh tiah lơi bè Hải Phòng là tiah tờm tàm tơrbŏ bal gùng lòt rê kwơmàng mờ wil tơl 5 bơta gùng: gùng dà lềng, gùng dà tàm dơlam lơgar, gùng rơndeh ồs, gùng ù gờl, gùng rơndeh par, ngan là geh bơta ƀươn anih ơhò ơm dà jrô den tàng jun pơdiang phan gùng dà lềng bơtàu tơngguh ngan.

Củ tịc Quôk hội sồr, Hải Phòng jơh nùs lam lơh jăt Rơndăp ù tiah ƀòn dờng bal mờ pe broă bơtàu tơngguh: drơng broă anih ơhò dà lềng ơm- logistics; lơh sa mờ măy mŏk tơlir, ngăc ngar, pa; anih tờm lòt nhơl dà lềng ală lơgar; tơngguh lơh bal tiah pe mum gơn kơnờm gơguh lơh sa Hà Nội- Hải Phòng- Quảng Ninh jăt Jơnau lơh nền tàm pơrjum sồ 30 bơh Ƀộ Cíñ trị dê. Lơh pràn lơh niam wơl tiah bơcri priă kă bro, lơh pràn lơh tam gơl wơl sră pơ àr gơnoar ătbồ.