Mho mang ngai 25/8, tàm Hìu lơh broă Quôk hội, Củ tịc Quôk hội ồng Trần Thanh Mẫn neh đơng lam dơ̆ wă rò. Tơnơ̆ dơ̆ wă rò, bàr gah neh lam lơh pơrjum bơyai. Tàm dơ̆ pơrjum bơyai, bàr gah neh ring bal pơn jat tai lam lơh Broă rơndap lơh sơlơ tơnguh tai lơh broă bal lơh sa đah Việt Nam mờ Australia, wèt tus jơnau kờñ ai priă lơh geh bơh kă bro geh 20 tơmàn dolar Mỹ mờ gơguh uă rlau 2 dơ̆ bơcri priă đah 2 gah tàm tơngai tus; lam lơh ală broă lơh hòi jà kă bro, lơh bal kă bro đah ală mpồl lơh sa kă bro tac phan hờ lơgar ndai bơh 2 lơgar dê.

Tơngai tus, Củ tịc Quôk hội ồng Trần Thanh Mẫn sồr 2 gah, sơlơ tơnguh tai tìp mat kâp dờng mờ ală Anih duh broă bơh Quôk hội, đah ală Nghị sỹ 2 lơgar dê, đah 2 mpồl Nghị sỹ lơh bơyô bal nàng kờñ cribơyai jơnau tơnggit, tam pà mờng chài tàm broă lam lơh broă lơh nghị viện, ngan là tàm broă lơh gùng dà, lơh sir adat boh lam mờ jat sền broă lơh jat adat boh lam.