Uă ngan ală cau tĕ khà sền gròi tus ală broă gơrềng tus broă dong kờl mpồl ala măt cau lơh broă; tă tơm mờ ngui sră kham sơm kòp ờ sa priă, sền gàr rềs àr mpồl bơtiàn. Bal mờ ală jơnau lùp gơ wèt gơnăp gơnoar bơh tiah do dê, kwang đơng lam bồ ală sở, gah broă, Anih duh broă Làng bol càr Hậu Giang neh hơ tơn ai ală cau tĕ khà in.

Củ tịc Quôk hội ồng Trần Thanh Mẫn sồr, mờ ală kal ke bơh làng bol dê, kwang đơng lam bồ càr pal gĭt wă jrô jơnau đơs bơh Wa Hồ dê, là: “Broă lơi geh kwơ ai làng bol in den lơh, broă lơi geh aniai ai làng bol in den pleh”. Is ồn, ală jơnau ờ suk bơh làng bol dê pal geh bơsong di nùs di tồr. Củ tịc Quôk hội ồng Trần Thanh Mẫn tơngkah, tơnơ̆ dơ̆ tìp măt cau tĕ khà do, Mpồl Cau ala măt Quôk hội càr Hậu Giang, Anih duh broă Mặt trận Dà lơgar Việt Nam tơrgùm jơh ală jơnau đơs nàng yal mờ Cơldŭ lơh broă Quôk hội in, pơyua ală jơnau đơs, jơnau dan gơ wèt gơnăp gơnoar bơh Cíñ phủ, ală ƀộ gah broă dà lơgar dê nàng bơsong.