Đơs tàm dơ̆ tìp mat, Củ tịc Quôk hội ồng Trần Thanh Mẫn neh yal bè cồng nha pơrjum dơ̆ 7, Quôk hội khoă XV, jat hơ̆ ală rơndap lơh adat boh lam, jơnau rơcang cih Jơnau lơh nền tàm pơrjum geh Quôk hội sền sơ wì, ring bal tàm dơ̆ pơrjum do gơ rềng tus uă gah, uă broă, geh cau tĕ khà, làng bol gùt lơgar sền gròi, jat sền.

Củ tịc Quôk hội ồng Trần Thanh Mẫn pà git, tàm ngai 01/7 tơn, 10 adat geh gơ rềng tơn tus làng bol rơp geh lơh jat ngan ngồn; tơngkah ală Adat boh lam tŭ geh lơh jat pal geh Jơnau lơh nền bơh Cíñ phủ dê, Thông tư gơ jat bal nàng gơtùi lam lơh jat mơ tơn. Jat Củ tịc Quôk hội ồng Trần Thanh Mẫn đơs, uă tiah tŭ do kung gam bơta kwang bàng tàm tuh kơnòl, pleh kơnòl lơh gơbàn broă bal dùl jơnau lơh nền cíñ phủ, thông tư, mơya broă lam lơh drơng bơtàu tơnguh den ờ geh lam lơh ring bal đah ală tiah. Củ tịc Quôk hội ồng Trần Thanh Mẫn sồr pal sơlơ tơnguh nùs nhơm lơh jat ală jơnau pal jat, bơta kràñ cê bơh adat boh lam dê tàm đơng lam bồ, sồr lơh, pơlam nàng lơh geh nùs nhơm tam gơl pa, khin sơnơng, khin lơh tài bơta kuơ bal.