Ală cau tĕ khà dan tus mờ Củ tịc Quôk hội ồng Trần Thanh Mẫn mờ Mpồl cau ala mat Quôk hội càr Hậu Giang uă broă geh gơrềng tus broă lơh Bảo hiểm y tế, Bảo hiểm xã hội; broă dong kờl ù tiah, tơm priă ai tiah ơm kis pa; sră bơsram, broă dong kờl ai ală cau pơgru mầm non; broă lơh rcang lài kơryan sa kuề sa kuà bơh Đảng dê....

Đơs mờ ală cau tĕ khà, Củ tịc Quôk hội ồng Trần Thanh Mẫn neh yal bè bơta bơtàu tơnguh lơh sa- mpồl bơtiàn bơh lơgar he dê; ală bơta ƀuơn mờ kal ke tàm tơngai bal bơh dà lơgar, bơh dunia dê. Củ tịc Quôk hội ồng Trần Thanh Mẫn đơs sùm, tềng đăp bơta hơ̆, Quôk hội neh mờ gam tam gơl pa bồ tơngoh kơlôi sơnơng, broă lơh ală adat boh lam jat broă lơh sền gŏ ală bơta ờ niam, kal ke nàng tam gơl Adat, Jơnau lơh nền tàm pơrjum. Den tàng, broă lơh adat boh lam pal lơh bơh bơta geh ngan, lơh jài ai jơnau bơsram mờng chài jài, ai làng bol mờ mpồl lơh sa kă bro lơh tờm, cau tờm, di tŭ tă bơsong kal ke.