Tàm dơ̆ bơyai lơh, Ƀí thư Đảng đoàn Quôk hội, Củ tịc Quôk hội ồng Trần Thanh Mẫn neh jàu Huy hiệu 65 nam Đảng pà ai Củ tịc Quôk hội lài do ồng Nguyễn Văn An in. Đơs tàm dơ̆ bơyai lơh, Củ tịc Quôk hội ồng Trần Thanh Mẫn đơs nền, tàm tŭ tơngai bơt bơtàu mờ bơtàu tơnguh dà lơgar, Đảng neh đơng lam bồ kac màng Việt Nam sơrlèt gan tơl bơta kal ke, bơta lòng, lơh geh uă cồng nha kuơmàng; Quôk hội Việt Nam tàm ală nam do kung geh uă tam gơl pa, bơceh lơh, lơh broă ngai sơlơ geh cồng nha, geh cau tĕ khà mờ làng bol cih dờp, jờng rơ. Tă pơgồp tàm cồng nha bal hơ̆, geh bơta tă pơgồp bơh ală rơnàng kwang bàng, đảng viên bơh Đảng ƀộ Cơldŭ lơh broă Quôk hội dê, ngan là ală tă pơgồp dờng ngan, kuơmàng ngan bơh Củ tịc Quôk hội lài do ồng Nguyễn Văn An dê tàm broă lơh bơt bơtàu mờ sền gàr dà lơgar; lời wơl uă mờng chài kuơmàng, jơnau bơsram niam dong Quôk hội ală khoă tơnơ̆ pơn jat tai tàm pơ dờn mờ đòm jat.