Đơs tàm sơnđờm mut pơrjum, Củ tịc Quôk hội ồng Trần Thanh Mẫn jờng rơ broă lơh bơh Mpồl duh broă làng bol ƀòn dờng Hải Phòng bơh bồ tơngai lơh broă tus tŭ do geh uă tam gơl pa, bơceh lơh, tơnguh uă bơta niam broă lơh jat gùng dà ngai sơlơ mut lơh broă geh ngan, lơh broă ờs mờng, geh cồng nha, lơh geh uă cồng nha pơn rơ ngan.

Tàm tơngai tus, Củ tịc Quôk hội ồng Trần Thanh Mẫn sồr ală kấp ủy Đảng, gơnoar atbồ Mặt trận, mpồl cau pơn jat tai lam lơh geh cồng nha geh ngan tàm lơh jat Jơnau lơh nền tàm pơrjum dờng Đảng gùt lơgar dơ̆ 13, Jơnau lơh nền tàm pơrjum sồ 16 bơh Mpồl đơng lam Đảng ƀộ ƀòn dờng, Jơnau lơh nền tàm pơrjum pơrjum dơ̆ 7 bơh Quôk hội khoă 15, đơs ală broă jàu, kơnòl broă tàm bơtàu tơnguh lơh sa, mpồl bơtiàn, sền gàr niam Dà lơgar, lơngăp lơngai. Hải Phòng pal sền gĭt loh tiah, bơta ƀuơn bơta pràn nàng sơlơ bơtàu tơnguh lơh geh mờ sơr lèt gan ală broă jàu lơh sa mpồl bơtiàn nam 2024. Pơgồp bơnah jơh gùt lơgar lơh geh khà gơguh mờ lơh sir ală jơnau kờñ, kơnòl broă bơh Jơnau lơh nền tàm pơrjum Quôk hội tàm nam 2024.