Củ tịc Quôk hội ồng Trần Thanh Mẫn jờng rơ uă ngan broă lơh bơh Mpồl duh broă làng bol càr Thanh Hóa dê tàm tơngai pa do neh geh uă tam gơl pa, bơceh lơh, tơnguh uă bơta niam lơh broă jat gùng dà ngai sơlơ mut lơh broă ngan ngồn, mờng chài lơh broă, geh cồng nha rlau tai.

Tàm tơngai tus, Củ tịc Quôk hội sồr càr pơn jat tai jơh nùs lơh ngan mờ kràñ cê jơh nùs tàm broă đơng lam, sồr lơh, tơrgùm ală broă lơh bơtàu tơnguh mhar, ală kơnòl broă tờm, tă bơsong ală bơta gơ kòl, ală bơta kòl yan, lơh jat niam bơta ƀuơn, bơta pràn bơh càr dê pơgồp bal mờ hòi jà tă pơgồp bal bơta pràn bơh jơh gùt làng bol càr Thanh Hoá dê. Củ tịc Quôk hội tơngkah, càr Thanh Hóa pơn jat tai lam lơh geh cồng nha ală broă lơh ngui bơta ƀuơn, bơta pràn, sơlơ tơnguh tai gơguh lơh sa. Tờm ngan là lơh jat geh cồng nha ală broă lơh bơtàu tơnguh lơh sa suơn sre, brê bơnơm, phan tàm dà, phan bơna, pơgồp bal mờ bơt bơtàu ƀòn lơgar pa, sền gròi bơtàu tơnguh lơh sa suơn sre ngui măi mok pa, tam gơl bồ tơngoh bơh lơh broă sa suơn sre tus lơh sa lơh sa suơn sre.