Mờ ală jơnau đơs crih lòt bal nam nhai, Broă lơh neh ai cau sền kis wơl tàm ală nam nhai pràn kơl dang hơ̆; ưn ngài broă lơh dờng màng bơh Củ tịc Hồ Chí Minh dê kung bè ală rơnàng cau lơgar Việt Nam neh khin cha phi să sền gàr bơta krơi is, khăt gơboh jơi bơtiàn, gơboh gơbài Làng bol dê.

Bơh ală jơnau đơs crih niam, geh tŭ pràn kơl dang, geh tŭ wăc rơwờl, Mpồl bơyai lơh Broă đơs crih tamya kwơ màng “Tơngai Ba Đình” kơ̆p kờñ rơ̆p brồ guh nùs nhơm pơnyờ să jơi bơtiàn, nùs nhơm kờñ gơboh ƀòn lơgar, dà lơgar, nùs nhơm pin dờn bè dùl rài tơnơ̆ do bơtàu tơnguh pràn kơl dang bơh Dà lơgar Việt Nam dê.