Đơs tàm dơ̆ pơrjum tơnkah, Củ tịc Quốk hội ồng Trần Thanh Mẫn đơs nền đah Sền sơwì tă ai priă jền dà lơgar ngai sơlơ dờng pràn; pơgồp bal tàm broă bơ̆t bơtàu gah priă jền dà lơgar ring bal, kơl jăp, drơng geh cồng nha ai broă bơ̆t bơtàu dà lơgar mờ tơrgùm bal mờ ală lơgar bơh dà lơgar dê.

Củ tịc Quốk hội ồng Trần Thanh Mẫn sồr, đah Sền sơwì tă ai priă jền dà lơgar git nền mờ lơh di gùng dà broă lơh jŏ jòng bơh Đảng; Jơnau lơh nền bơh Quốk hội dê bè broă bơtàu tơnguh lơh sa mpồl bơtiàn, sền gàr dà lơgar, lơngăp lơngai mờ lơh broă bal mờ lơgar ndai; jơnau sồr atbồ, đơng lam bơh Cíñ phủ bè kes priă dà lơgar, broă lơh nam priă jền; jền priă; rơwah mờ tơrgùm ai lài lơh jăt ală jơnau kờñ kwơ màng bơh broă bơtàu tơnguh đah Sền sơwì tă ai priă jền dà lơgar tus nam 2030 dê.