Củ tịc Quôk hội đơs nền, Việt Nam sền dờng màng bơta git gơp lơh bơyô bal, lơh broă bal uă gah mờ Ma-rốc; kơp kờñ lơh broă bal tàm uă gah nàng 2 lơgar bal mờ gơp bơtàu tơnguh; nting bơr gờm chờ Ma-rốc neh lơh geh ală cồng nha bè lơh sa – mpồl bơtiàn tàm tơngai lài, kuơmàng là rài lơh sa dờng dơ̆ 5 tàm tiah câu Phi. Củ tịc Quôk hội ồng Trần Thanh Mẫn đơs là, Quôk hội Việt Nam mờ Hạ viện, Thượng viện Ma-rốc neh dong kờl bal mờ gơp tàm ală Cribơyai Nghị viện câu Á – Thái Bình Dương, Tam klac bal Nghị viện dunia. Tơngai tus, Củ tịc Quôk hội sồr, Quôk hội/Nghị viện 2 lơgar gàr sùm cribơyai mpồl mờ ală dơ̆ tìp mat kwang bàng kâp dờng, ală kâp nàng kờñ tam pà mờng chài tàm broă lơh lơh adat boh lam; lơh broă bal jơh nùs tàm ală cribơyai uă lơgar, ală nghị viện tiah do mờ ală lơgar.