Củ tịc Quôk hội ồng Trần Thanh Mẫn đơs nền, kwang đơng lam bồ Quôk hội Việt Nam sùm sền gròi mờ jờng rơ gơnoar broă bơh Kiểm toán dà lơgar Việt Nam dê tàm broă tơnguh cồng nha atbồ priă jền, phan bơna dà lơgar, git gŏ mờ lơh glài ală broă lơh tìs, rơcang lài kơryan hoàc huơr phan bơna dà lơgar mờ kuơmàng là tă pơgồp tàm bơta loh làng, pin dờn bơh rài priă jền dà lơgar dê. 

Củ tịc Quôk hội kơp kờñ, Kiểm toán dà lơgar Việt Nam pơn jat tai lơh ngan, rơcang lài, là rbàng tơrbŏ kuơmàng tă pơgồp uă rlau tai tàm bơta bơtàu tơnguh bal bơh mpồl kiểm toán dà lơgar dê tàm tiah do mờ tàm dunia; ală anih lơh broă, ală mpồl lơh broă dunia, Kiểm toán bơh ală lơgar dê tàm tiah do mờ ală lơgar, dong kờl Kiểm toán dà lơgar Việt Nam lơh gơs kơnòl broă geh kwang đơng lam bồ Đảng mờ Dà lơgar Việt Nam jàu kung bè lơh gơs ală kơnòl broă mờ mpồl bơtiàn ală lơgar.