Tàm dơ̆ tìp, Củ tịc Quôk hội đơs wih đơs wơl, ală lơgar rềp bal tiah đah jum măt tơngai lik câu Á mờ Asean geh ù tiah kwơmàng ngan, là ai lài khà dùl mờ là bơnah ờ gơtùi tam cah is tàm broă lơh broă mờ lơgar ndai bơh lơgar Việt Nam dê.

Củ tịc Quôk hội ồng Trần Thanh Mẫn đơs nền: “Việt Nam kơ̆p kờñ tơngguh mờ rề ơnàng rlau tai gĭt gơ̆p lơh broă bal dipal mờ tơngume broă lơh broă bal 2 gah mờ tơl dà lơgar tàm mpồl Asean, is ồn là ală broă lơh broă bal pràn, lơh geh jơnau kờñ bơtàu tơngguh, tài bơh kwơ ngan ngồn mờ bơta bơtàu tơngguh bơh tơl lơgar dê, mơkung dong kờl gơtùi jăt bàn gùng dà bơtàu tơngguh bal bơh dunia dê. Añ pin dờn là, broă lơh kơ̆ kơl jăp wơl nùs nhơm pin dờn, nùs nhơm tam klăc bal, bơ̆t bơtàu ai nùs nhơm lơh bơyô bal, gĭt gơ̆p lơh broă bal, đềt mềr đah Việt Nam mờ tơl dà lơgar tàm mpồl Asean kung rơ̆p tă pơgồp kwơmàng tàm bơta bơtàu tơngguh pràn kơldang kơ̆ kơl jăp, pas sơm bal bơh Mpồl bơtiàn Asean dê.