Tàm dơ̆ wă rò, Củ tịc Quôk hội đơs sùm, bơta gĭt gơ̆p lơh bơyô bal, lơh broă bal đah 2 lơgar ală nam pa do sùm bơtàu tơnguh niam ngan. Việt Nam sùm sền dờng màng mờ kơ̆p kờñ bơta gĭt gơ̆p Lơh broă bal jŏ jòng đah lơgar Việt Nam mờ Indonesia tơnguh tus gơnoar broă pa.

Bè lơh broă bal đah anih lơh broă Nghị viện đah 2 lơgar dê, Củ tịc Quôk hội sồr, tàm tơngai tus 2 gah sơlơ tơnguh tìp mat lơh kwèng, tam pà bal mờng chài lơh broă đah 2 Anih lơh broă lơh adat boh lam đah 2 lơgar, ngan là đah ală Ủy ƀan lơh broă ờs mờng bơh Quôk hội dê, ală mpồl Nghị sỹ lơh bơyô bal, ală ùr Nghị sỹ mờ Nghị sỹ kơnòm să. Phó Củ tịc Thượng viên lơgar Indonesia đơs nền, Thượng viện lơgar Indonesia kơ̆p kờñ lơh geh bơta gĭt gơ̆p lơh broă bal wèt tus rài tơnơ̆ do, tam pà bal mờng chài lơh broă Nghị viện 2 lơgar mờ bơta gĭt gơ̆p làng bol 2 lơgar dê.