VOV4.K’ho- Drim ngai 09/02, Củ tịc Quôk hội ồng Vương Đình Huệ neh tus chu ñàng kah kơlôi ală rơnàng cau lài do geh màng mờ dà lơgar tàm Điện Kính Thiên, tiah tềl kah yau gơlăng Thăng Long, càr lơgar Hà Nội.

Tàm nùs nhơm ki ngàm, ndu gơn rơh tàm gơlăng Thăng Long, Củ tịc Quôk hội ồng Vương Đình Huệ bal mờ ală kwang bàng neh chu ñàng kah kơlôi, yal tềng đap huềng ală rơnàng lài do geh màng mờ dà lơgar bè ală cồng nha bơt bơtàu, bơtàu tơnguh dà lơgar; hòi dăn dà lơgar ring lơngai, làng bol ring lơngai; lơh ngan tơnguh bơta kơp kơnờm bơtàu tơnguh dà lơgar pas sơm, gơboh gơbài, tơnguh nùs nhơm mờ bơta pràn tam klac dờng gùt jơi bơtiàn, chồl pràn broă lơh tam gơl pa dà lơgar. Boh bơr rềp mềr mờ kwang bàng, cau lơh broă tiah tềl kah yau gơlăng Thăng Long, Củ tịc Quôk hội ồng Vương Đình Huệ kơp kờñ, kwang bàng, cau lơh broă tiah tềl kah yau lơh ngan sền gàr ală bơta kuơ dờng màng bơh Gơlăng Thăng Long dê; jơh nùs mblàng yal bè ală bơta kuơ kah yau bơh tiah tềl kah yau dê, pơgồp bơnah bơt bơtàu càr lơgar mờ dà lơgar, dipal mờ ală rơnàng bèp ồng lài do dê.

Cau mblàng K’Duẩn