VOV4.K’ho - Mho òr (25/01), tàm ƀòn dờng Hồ Chí Minh, Củ tịc Quốk hội ồng Vương Đình Huệ mờ mpồl kwang bàng lơh broă neh còp, chờ gờm satềp cau geh màng mờ dà lơgar, hìu nhă geh sră dong kờl bơh dà lơgar, mpồl sơnrờp tam dră mờ kòp Kovid-19; còp, chờ gờm satềp mờ pà phan satềp tus mờ mpồl viên chức, cau lơh broă mờ ală kơnòm dềt gam geh ròng siam, sền gàr mờ sơm kòp tàm Anih tờm tơnguh bơta pràn mờ dong kờl kơnòm dềt koĕt kơl te.

                     Củ tịc Quốk hội ồng Vương Đình Huệ geh jơnau đơng lam tàm dơ̆ lơh broă

Củ tịc Quốk hội tơlik nùs nhơm chờ hờp tŭ sền ƀòn dờng geh măt sơnđan Bác Hồ neh gơs wơl bơta bè ờs pa, geh sùm ală broă lơh bè cíñ trị, lơh sa mpồl bơtiàn. Tus tŭ do, khà cau F0 gơtìp jroă, chơ̆t tài bơh kòp Kovid-19 pah ngai neh gơmù ờ uă ngan mờ bŭ lah gampal gơtìp aniai uă ngan, mơya mờ bơhiàn khin cha, jăk chài, nùs nhơm niam ờ gơtùi lời ală cau lơi gơtìp sơbì is hờ tơnơ̆, ƀòn dờng kung gam drơng niam broă rài kis mpồl bơtiàn, nàng ală cau, ală hìu ndrờm geh satềp.

Cau mblàng Ndong Brawl