VOV4.K’ho - Còp mờ chờ gờm satềp mờ kwang bàng, kông cứk, viên  cứk cau lơh broă tàm Ƀộ Kông thương di tàm nam pa Ñâm Zần, Củ tịc Quốk hội ồng Vương Đình Huệ sồr Ƀộ Kông thương pal sền kwơ broă bơ̆t bơtàu Đảng ƀộ mùl màl kloh niam, mùl màl pràn kơl dang, tơnguh nùs nhơm tam klăc bal, tơmù ală bơta kal ke, bơsong jơh ală broă gam gơlời nàng mŭt tàm dùl nùs nhơm pràn pa; tơnguh rơlao tai broă lơh jăt tềm pềr, sơndră mờ hoàc huơr.

Đơs là, nam 2022 kung là nam pơn jăt tai gơtìp ală bơta tơlòng, kal ke, Củ tịc Quốk hội ồng Vương Đình Huệ sồr gah Kông thương pal tơrgùm lơh jăt gờñ ală broă, rơndăp broă geh ai nàng tơnguh rơlao tai broă rơcang sơndră mờ kòp gơtờp, jăt gùng dà gơdờp bal ờ do ờ dă, ndrờm bal mờ sền gròi geh cồng nha kòp gơtờp jăt nghị quyết bơh Quốk hội neh ai, lơh geh cồng nha ală jơnau kờñ neh geh ai.

Cau mblàng Ndong Brawl