Củ tịc Quôk hội ồng Vương Đình Huệ neh tus còp hìu bơnhă mò Lê Thị Ngô (mờr 90 sơnam),  ơm Tổ 3, sơnah ƀòn Nghĩa Tân, ƀòn dờng Gia Nghĩa, càr Dăk Nông. Củ tịc Quôk hội jơh nùs lùp còp pràn kơl dang să jan mờ rài kis bơh hìu bơnhă mò Lê Thị Ngô dê, tơngŏ nùs nhơm ưn ngài uă ngan rlau jơh tus mờ ală Mè Việt Nam khin cha jak chài, ală cau geh màng mờ kăc màng neh tă pơgồp dà kơl hề, tă pơgồp dờng màng ngan ai broă lơh tam lơh tơngklàs jơi bơtiàn, sền gàr Dà lơgar, bơt bơtàu ƀòn lơgar, Dà lơgar.

Hìu bơnhă mò Lê Thị Ngô là krơh niam ngan bè nùs nhơm, bồ tơngoh kăc màng nàng ală rơnàng tơnơ̆ do in bơsram mờ đòm jat bal. Củ tịc Quôk hội kung chờ hờp tŭ rài kis mò Lê Thị Ngô dê đơs is, ală hìu bơnhă geh dà kơl hề mờ Dà lơgar mờ làng bol càr Dăk Nông đơs bal ngai sơlơ hờm ram, lơh sa bơtàu tơnguh.