VOV4.K’ho- Di dơ̆ tơngah 67 nam Ngai Cau lơh sơnơm Việt Nam (27/02), mho ngai 25/02, Củ tịc Quôk hội ồng Vương Đình Huệ neh lòt còp Hìu sơnơm Gĭt gơ̆p lơh bơyô bal Việt- Đức. Đơs tàm do, Củ tịc Quôk hội ồng Vương Đình Huệ jờng rơ ală cồng nha lơh geh jak ngan mờ cồng nha dờng ngan bơh mpồl ală cau lơh sơnơm mờ cau lơh broă gah lơh sơnơm dê đơs bal, Hìu sơnơm Việt- Đức dê đơs is neh lơh geh tàm tơngai lài.

Jăt Củ tịc Quôk hội ồng Vương Đình Huệ đơs, ală dơ̆ kòp Kovid-19 lơh bơtờp, neh gŏ loh bơta kwơmàng bơh ală hìu sơnơm kơnă hơđơm dê mờ mpồl cau lơh sơnơm dê tàm jơh ală anih lơh sơnơm mờ broă lơh sơnơm rơcăng lài. Củ tịc Quôk hội gơn kơnờm, mờ bơhiàn pơnrơ ngan bơh ală rơnàng cau lơh sơnơm dê, Hìu sơnơm Gĭt gơ̆p lơh bơyô bal Việt- Đức mờ cồng nha lơh geh pơnrơ ngan tàm broă lơh kham sơm kòp mờ kơlôi sơnơng jak chài geh sùm là bơta pràn gơn kơnờm bơtơl tai bơta pràn, dong gah lơh sơnơm pràn kơldang rlau tai, kràñ cê jơh nùs rlau tai, nàng tam dră mờ tam dră jai pha mờ kòp dờng Kovid-19 mờ sền gàr pràn kơldang să jan làng bol in.

Cau mblàng Lơ Mu K’Yến