VOV4.K’ho - Drim ngai 26 nhai 1, tàm Hà Nội, Củ tịc Quốc hội ồng Vương Đình Huệ tus còp, lơh broă, chờ gờm satềp Mpồl đơng lam ling klàng càr lơgar Hà Nội. Củ tịc Quốk hội ồng Vương Đình Huệ đơs là, mờ bơhiàn rơlao 75 nam bơ̆t bơtàu, tam dră mờ gơs dờng pràn, tơnguh bơhiàn càr lơgar rơbô nam jăk chài, ƀòn dờng Khin cha; mờ bơhiàn “Chơ̆t nàng Dà lơgar geh kis”, Mpồl ling klàng phào crong càr lơgar Hà Nội neh lơh jăt geh cồng nha gùng dà ling klàng, sền gàr dà lơgar bơh Đảng, broă đơng lam bơh Quân ủy Dà lơgar, Ƀộ Quốk phòng mờ Thàñ ủy Hà Nội tàm broă bơ̆t bơtàu broă sền gàr dà lơgar gùt ling klàng, broă sền gàr dà lơgar bơh gùt làng bol pơgồp bal mờ broă sền gàr bơta lơngăp lơngai làng bol, broă sền gàr bơta lơngăp lơngai làng bol pràn kơl dang.

Nam 2022, Củ tịc Quốk hội ồng Vương Đình Huệ sồr, Đảng ƀộ, Mpồl đơng lam ling klàng càr lơgar pal tơrgùm đơng lam, lam sồr, bơyai lơh jăt niam kơnòl jăk chài mờ bơyai lơh geh cồng nha Nghị quyết Pơrjum dờng dơ̆ 13 Đảng dê, mùl màl là mpồl tờm lam lài, rơcang tam dră bơh mpồl ling klàng càr lơgar. Bơ̆t bơtàu ală anih lơh broă, mpồl lơh broă pràn kơl dang, geh pơnrơ ngan.

Cau mblàng Ndong Brawl