VOV4.K’ho- Di Ngai Sră ƀăo Kăc màng Việt Nam 21/06, Củ tịc Quôk hội ồng Vương Đình Huệ neh lòt còp, lơh broă mờ Ƀăo Kwang bàng ala măt Làng bol. Đơs tàm do, Củ tịc Quôk hội ồng Vương Đình Huệ đơs sùm, sră ƀăo neh đơs wơl song dơ pă “nhơm tă bơh rài kis dê” tàm Pơrjum Quôk hội mờ là anih nàng cau tĕ khà, làng bol jăt sền broă lơh bơh Quôk hội dê đơs is, bơh ală anih lơh broă dà lơgar đơs bal.

Củ tịc Quôk hội ồng Vương Đình Huệ đơs nền, tàm rài ngui sồ jơh, Mpồl kwang bàng đơng lam bồ Ƀăo Kwang bàng ala măt làng bol neh sùm bơceh pa, kràñ cê jơh nùs tam gơl pa tơngume mờ broă yal tơngĭt jơnau, mblàng yal jơnau, kơlôi sơnơng, jòi swì jơh ală gùng lòt dipal, gơdờp mhar mờ ală jơnau sồr pa bơh rài lơh sa sồ, mpồl bơtiàn sồ mờ dà lơgar he gam kơlôi tus. Nàng tơnguh uă rlau tai cồng nha broă lơh yal tơngĭt jơnau, mblàng yal jơnau bè broă lơh bơh Quôk hội dê, Củ tịc Quôk hội sồr Ƀăo Kwang bàng ala măt làng bol lơh jăt niam broă lơh rơndăp ù tiah bơtàu tơnguh, ătbồ dipal, lơh geh bơta ring bal uă tơl broă lơh jăt, pal lơh jăt di bơta bơto pơlam, bơta đơng lam bồ bơh Đảng dê, gùng dà broă lơh mờ kơrnoăt boh lam bơh Dà lơgar dê.

Cau mblàng Lơ Mu K’Yến