Củ tịc Quôk hội ồng Vương Đình Huệ bal mờ mpồl lơh broă tus pơ dơng bơkào tềng Rùp mòn Tổng Ƀí thư ồng Nguyễn Văn Linh (ƀòn dờng Hưng Yên, càr Hưng Yên). Tổng Ƀí thư ồng Nguyễn Văn Linh là kơnòm bơsram jak ngan bơh Củ tịc Hồ Chí Minh dê, là cau geh dà kơl hề dờng ngan mờ broă lơh kăc màng Việt Nam, là Tổng Ƀí thư sơn rờp bơh Đảng he dê tàm rài tam gơl pa.

Tàm xã Quảng Lãng (kơnhoàl Ân Thi, càr Hưng Yên), Củ tịc Quôk hội mờ mpồl lơh broă tus bal dơ̆ sơn đờm mut lơh Tiah lơh sa mờ măi mok sồ 5 càr Hưng Yên. Tiah lơh sa mờ măi mok sồ 5 là dùl rơndap broă lơh tờm bơh càr Hưng Yên dê, kờp jơh bă ù ơnàng rlau 192 lồ, mờ kờp jơh priă dan bơcri lơh rlau 2 rơbô 300 tơmàn đong, ơm tàm ù tiah ală kơnhoàl Ân Thi, Kim Động. Di dơ̆ tơngkah kir sơn rai 77 nam ngai Tàp pràn să jan Việt Nam 27/03, Củ tịc Quôk hội ồng Vương Đình Huệ mờ mpồl lơh broă neh tus còp Anih tờm bơto bơtê coh plai kơnòm să (PVF). Tàm do, Củ tịc Quôk hội ồng Vương Đình Huệ bal mờ mpồl lơh broă lòt sền phan bơna bơh Anih tờm dê; iăt, kơno jơnau yal bè bơta lơh broă bơh Anih tờm dê mờ jàu pà phan, pơndờm pơnđiang Anih tờm, mpồl kwang bàng, cau jak chài, cau pơgru bơto pơlam, cau lơh broă, ală kâu lạc ƀộ, ală kơnòm bơsram, cau coh plai kơnòm să bơh PVF mờ Kâu lạc ƀộ Coh plai Kwang àng Hà Nội.