Dơ̆ lòt còp bơh Củ tịc Quôk hội ồng Vương Đình Huệ dê nàng kờñ lam lơh gùng dà lơh broă mờ lơgar ndai lơh tờm is, rơcăng lài is, lơh bơyô mờ uă lơgar, lơh uă bơta git gơp lơh broă mờ lơgar ndai bơh Pơrjum dờng dơ̆ XIII Đảng dê mờ Nghị quyết bơh Ƀộ Cíñ trị dê; sơlơ tơnguh bơta git gơp lơh broă bal đah Quôk hội lơgar he mờ Quôk hội 2 lơgar; pơn jat tai sơlơ tơnguh bơta lơh bơyô bal đah Việt Nam mờ Bangladesh, đơs nền bơta sền dờng màng bơh Việt Nam dê gơ wèt mờ bơta git gơp lơh bơyô bal ờs mờng đah Việt Nam mờ Bulgaria.

Gơ wèt mờ Bangladesh, dơ̆ lòt còp đơs ngan jơnau hơ pơrgon bơh Quôk hội Việt Nam dê tàm lơh broă bal mờ Quôk hội Bangladesh. Gơ wèt mờ Bulgaria, dơ̆ lòt còp nàng kờñ lơh kơ̆ kơljap mờ sơlơ tơnguh rlau tai bơta git gơp ờs mờng mờ lơh broă bal uă gah đah Việt Nam mờ Bulgaria đơs bal; bơta git gơp lơh broă bal Nghị viện đah 2 lơgar đơs is.