Lơgar Iran mờ Việt Nam geh bơta gĭt gơ̆p lơh bơyô bal niam bơnĕ. Ờ mìng is ală broă lơh bơh Quôk hội dê lơm, mờ dơ̆ lòt còp ngan ngồn lơgar Iran dơ̆ do bơh Củ tịc Quôk hội ồng Vương Đình Huê mờ Mpồl kwang bàng kấp dờng Quốk hội lơgar he dê gam geh gơtha kwơ màng nàng kờñ bơtàu tơnguh bơta gĭt gơ̆p lơh bơyô bal mờ lơh broă bal mờ lơgar Iran tàm tơngai pa tàm jơh ală broă cíñ trị- cribơyai broă mờ lơgar ndai, lơh sa, niam chài, bơto bơtê, khoa họk, kông nghệ...

Tàm dơ̆ lòt còp ngan ngồn do, Củ tịc Quôk hội ồng Vương Đình Huệ mờ mpồl kwang bàng kấp dờng Quốk hội lơgar he dê rơ̆p geh ală dơ̆ lơh broă bal, tìp mat cribơyai, wă kwang đơng lam bồ kấp dờng bơh lơgar Kộng hoà jăt Yàng Islam Iran; tus bal dơ̆ cribơyai broă lơh, adat boh lam sơlơ tơnguh lơh broă bal lơh sa, kă bro mờ bơcri priă; tus bal sơnđờm mut lơh tơngleh Niam chài lơgar Việt Nam tàm lơgar Iran di dơ̆ tơngkah kir sơnrai 50 nam tơlik mat bơta gĭt gơ̆p.