VOV4.K’ho- Ngai 15/05, Củ tịc Quôk hội ồng Vương Đình Huệ mờ mpồl ala măt kwang bàng kâp dờng Quôk hội lơgar he neh tus ƀlàng rơndeh par Wattay, càr lơgar Vientiane, lơgar Lào sơnđờm dơ̆ lòt còp ngan ngồn lơgar Lào.

Củ tịc Quôk hội ồng Vương Đình Huệ còp ngan ngồn lơgar Lào

Dơ̆ lòt còp ngan ngồn bơh Củ tịc Quôk hội ồng Vương Đình Huệ dê geh ală cau bơyô lơgar Lào sền là dùl tàm ală broă lơh kwơmàng ngan rlau jơh tàm nam Tam klăc Lơh bơyô bal Việt Nam mờ Lào, Lào mờ Việt Nam nam 2022; lơh pràn bơta gĭt gơ̆p lơh broă bal mờ lơgar Việt Nam nàng pơgồp bơnah lơh jăt geh cồng nha Broă rơndăp lơh bơtàu tơnguh lơh sa- mpồl bơtiàn 05 nam dơ̆ IX bơh lơgar Lào dê; sơlơ pơgồp bal, dong kờl mờ gơ̆p tàm broă lơh tam dră wơl mờ kòp dờng mờ bơtàu tơnguh wơl, bơtàu tơnguh lơh sa- mpồl bơtiàn tơnơ̆ tơngai gơbàn kòp dờng; lùp bơsram bơta mờng chài lơh broă bơh Quôk hội Việt Nam dê.

Tơnơ̆ tŭ tus lơgar Lào tơn, Củ tịc Quôk hội ồng Vương Đình Huệ geh tus bal Dơ̆ bơyai lơh sơnđờm lơh rơndăp broă lơh Sươn nhơl lơh bơyô bal Lào mờ Việt Nam; tìp măt ală mpồl lơh sa kă bro lơgar Việt Nam bơcri priă tàm lơgar Lào; lòt còp Đại sứ quán mờ tìp măt mờ ală cau Việt Nam ơm kis mờ lơh broă tàm lơgar Lào.

Cau mblàng Lơ Mu K’Yến