Di dơ̆ gờm chờ tơngkah kir sơn rai 93 nam Ngai Crơng gơs Đảng Kộng sản Việt Nam, tàm nùs nhơm jơh gùt lơgar gam hô hơng nàng rcang wă rò sa Tềp Dà lơgar bơh jơi bơtiàn dê Sa tềp Dà lơgar Qúy Mão tàm Hìu lơh broă Gah đơng lam Mpồl ling sền gàr tiah nhàr lơgar càr An Giang, ƀòn dờng Châu Đốc, càr Anh Giang, Củ tịc Quôk hội ồng Vương Đình Huệ tus còp, gờm chờ sa tềp, pà phan ai hìu bơnhă cíñ sác, hìu bơnhă rƀah, làng bol kòn cau mờ kông ñân lơh broă geh rài kis kal ke tàm ù tiah càr An Giang.

Nam 2023 geh kờp dŭ lài pơn jat tai geh uă ngan kal ke, bơta lòng, den tàng, Củ tịc Quôk hội ồng Vương Đình Huệ kơ̆p kờñ Đảng ƀộ, gơnoar atbồ, mpồl ling phàu crong mờ làng bol càr An Giang pơn jat tai đòm jat niam bơhiàn ƀòn lơgar kăc màng kơ̆ dơn, tam klăc bal dùl nùs bal, bơsong tơl bơta kal ke, bơta lòng mơkung lơh ngan nàng lơh sir ală jơnau kờñ bơtàu tơnguh. Tàm do, Củ tịc Quôk hội ồng Vương Đình Huệ mờ mpồl lơh broă neh jàu 200 bơnah phan pà ală hìu bơnhă cíñ sác, hìu bơnhă rƀah, làng bol kòn cau mờ kông ñân lơh broă geh rài kis kal ke tàm ù tiah càr An Giang in; jàu pà phan sa tềp ai kwang bàng, cau ling Mpồl ling sền gàr tiah nhàr lơgar càr An Giang in.