VOV4.K’ho- Tàm tơngume lòt còp ngan ngồn lơgar Lào, drim ngai 16/05, tàm càr lơgar Vientian Củ tịc Quôk hội ồng Vương Đình Huệ neh còp să ồng Thongloun Sisoulith, Tổng Ƀí thư Ƀan Cấp hàñ Đảng Dà lơgar Lào, Củ tịc lơgar Lào.

Củ tịc Quốk hội ồng Vương Đình Huệ tìp mat mờ Tổng Ƀí thư, Củ tịc lơgar Lào

Củ tịc Quôk hội ồng Vương Đình Huệ pin dờn làng bol Lào oh mi geh sơr lèt gan tơl bơta lòng, lơh jat geh cồng nha Nghị quyết Pơrjum dờng Đảng gùt lơgar dơ̆ 11 mờ Broă rơndap lơh bơtàu tơnguh lơh sa – mpồl bơtiàn 5 nam dơ̆ 9, lam lơh geh cồng nha ală broă lơh pờ mpồng, bơtàu tơnguh wơl lơh sa, kơ̆ kơl jap lơh sa- priă jền dờng, lơh geh broă lơh, pơn jat tai bơt bơtàu dà lơgar Lào ring lơngai, lơngap lơngai is, tơrgùm dùl, pas gơs jat jơnau kờñ Xã hội Củ nghĩa. Bàr nă kwang đơng lam bồ đơs sùm tàm tơngai tus, 2 gah pal lơh jat uă rlau tai bơhiàn lơh broă bal rềp mềr, pin dờn; bal mờ gơ̆p lam lơh niam ală jơnau ring bal kwang bàng kấp dờng; lơh ngan sơlơ tơnguh mờ tơnguh uă rlau tai cồng nha lơh broă bal đah 2 gah tàm jơh ală gah, tài bơta kwơ geh ngan bơh làng bol 2 lơgar dê.

 Cau mblàng K’Hạnh