Mho òr (24/09), jăt jơ tàm tiah do dê, tàm dơ̆ tus còp mùl màl lơgar Bulgari, Dơ̆ wă mùl màl Củ tịc Quốk hội ồng Vương Đình Huệ neh bơyai lơh tàm ƀlàng dờng Aleksander Nevski,  tiah tàm gùl Càr lơgar Sofia dê tềng đăp mờ broă đơng lam bơh Củ tịc Quốk hội lơgar Bulgari ồng Rosen Zhelyazkov.

Tơnơ̆ mờ dơ̆ wă, Củ tịc Quốk hội ồng Vương Đình Huệ cri bơyai mờ Củ tịc Quốk hội lơgar Bulgari. Tàm dơ̆ cri bơyai, Củ tịc Quốk hội ồng Vương Đình Huệ đơs tờm, lơgar Việt Nam sùm sền kwơ mờ kơ̆p kờñ tơnguh bơta git gơ̆p lơh bơyô bal ờs mờng mờ lơh broă bal uă gah broă mờ lơgar Bulgari; pin dờn dơ̆ tus còp geh pơgồp bal tàm broă lơh pràn lơh broă bal đah bàr lơgar geh jrô ơnàng, mùl màl, tơl ală bơta tàm ală gah broă. Tàm nùs nhơm lơh bơyô bal mờ song dơ pă, bàr Củ tịc Quốk hội cri bơyai nền nòn tàm uă broă, geh bal tàm broă lơh bal đah bàr lơgar mờ uă lơgar dê. Mờ kơ̆p kờñ mờ lơh ngan ai bơta git gơ̆p geh lơh jrô ơnàng, mùl màl mờ geh cồng nha tàm jơh ală gah broă, bàr gah neh ring bal ờ uă gùng dà broă lơh lơh broă bal dờng.