Củ tịc Quốk hội đơs tờm lơgar Việt Nam sùm sền kwơ bơta git gơ̆p lơh bơyô bal mờ lơh broă bal uă gah broă mờ lơgar Iran, dùl tàm ală lơgar geh broă lơh bal kwơ màng lơgar Việt Nam dê tàm Trung Đông, tơlik nùs nhơm chờ hờp tềng đăp mờ ală bơta bơtàu tơnguh niam tàm bơta git gơ̆p lơh broă bal đah bàr lơgar tàm ală nam pa do, tàm hơ̆ uă ngan là tàm ală gah broă cíñ trị - lơh broă bal mờ lơgar ndai, bơta niam chài, tìp bal làng bol.

Củ tịc Quốk hội lơgar Iran ồng Mohammad Bagher Ghalibaf tơlik nùs nhơm pin dờn lơh broă bal đah lơgar Việt Nam mờ lơgar Iran kung bè đah Quốk hội bàr lơgar geh sền gŏ bơta bơtàu tơnguh uă rơlao tàm tơngai tus. Tàm tơngu me do, bàr kwang đơng lam neh cri bơyai mờ ring bal bè ală broă lơh mùl màl nàng tơnguh uă cồng nha lơh broă bal đah bàr lơgar tàm tơngai tus tàm ală gah broă bè pơn jăt tai tơnguh broă tam gơl mpồl kwang bàng ală kấp, tàm hơ̆ uă ngan là mpồl kấp dờng mờ Kwang đơng lam ală Ƀộ, gah lơh broă drơng broă lơh sa, ală tiah đah bàr lơgar.