Tàm dơ̆ tus còp mùl màl lơgar Indonesia, mho òr (07/08), Củ tịc Quốk hội ồng Vương Đình Huệ neh geh dơ̆ cri bơyai mờ Kwang atbồ lơgar Indonesia ồng Joko Widodo.

Củ tịc Quốk hộp ồng Vương Đình Huệ đơs tờm lơgar Việt Nam jơh nùs sền kwơ bơta git gơ̆p Lơh broă bal jŏ jòng mờ lơgar Indonesia; yal mờ Kwang atbồ lơgar Indonesia ồng Joko Widodo in cồng nha bơh dơ̆ tus còp mùl màl lơgar Indonesia mờ tus bal Pơrjum dờng mpồl duh broă AIPA-44, pà git Quốk hội bàr lơgar neh kĭ jơnau ring bal lơh broă bal nàng lơh pràn rơlao tai bơta git gơ̆p nghị viện, pơgồp bơnah mùl màl tơnguh bơta git gơ̆p đah bàr lơgar, kơ̆p kờñ tơnguh bơta git gơ̆p đah bàr lơgar tus tàm bơta pa uă rơlao. Kwang atbồ lơgar Indonesia ring bal mờ Củ tịc Quốk hội bè broă bàr gah gàr sùm ală mpồl lơh gơlik phan gam geh tŭ do, tơnguh lơh broă bal tàm gah dà lềng, phan tàm dà mờ ală gah pa bè tam gơl sồ, tam gơl năng lượng ndrờm bal.