Tàm dơ̆ cri bơyai, Củ tịc Quốk hội ồng Vương Đình Huệ hòi jà lơgar Lo sền gròi, pờ ơnàng broă blơi phan kă bro, tàm hơ̆ uă ngan là phan geh lơh bơh broă lơh sa suơn sre geh bơta pràn bơh lơgar Việt Nam, ai tơl bơta ƀuơn nàng phan kă bro lơgar Việt Nam mŭt tus lơgar dơ̆ pe bơh gùng rơndeh ồs câu Á mờ câu Âu; lơh pràn gờñ geh ală rơndăp broă bơcri priă uă, bơta niam uă, lam lài ai bơta ngăc ngar tơnguh bơtàu lơgar Lo dê tàm lơgar Việt Nam; tơnguh broă tơrbŏ bal gùng lòt nàng drơng tàm broă tìp bal, lòt rê bơh làng bol bàr lơgar.

Củ tịc Quốk hội lơgar Lo ồng Triệu Lạc Tế hòi jà bàr gah tơnguh broă tìp bal đah Đảng, tàm hơ̆ uă ngan là cri bơyai broă lơh jŏ jòng đah Kwang đơng lam kấp dờng nàng ai geh gùng dà broă lơh ai bơta git gơ̆p bàr Đảng, bàr dà lơgar; lơh pràn ală rơndăp broă bè bơcri priă; ai tơngŏ lơgar Lo tŭ lơi kung rơcang lài ai tơl bơta ƀuơn nàng phan geh lơh bơh broă lơh sa suơn sre lơgar Việt Nam geh tăc uă tus lơgar Lo.