VOV4.K’ho- Tàm dơ̆ lòt còp ngan ngồn lơgar Kộng hoà Zân chủ Làng bol Lào, drim ngai 17/05 tàm càr lơgar Vientiane, lơgar Lào dê, Củ tịc Quôk hội Việt Nam ồng Vương Đình Huệ neh cribơyai mờ Thủ tướng Cíñ phủ Lào ồng Phankham Viphavanh. Tàm dơ̆ cribơyai, bàr nă kwang đơng lam bồ tơngŏ nùs nhơm niam nùs bè bơta bơtàu tơnguh bơh bơta gĭt gơ̆p lơh broă bal đah 2 lơgar dê tàm tơngai lài, jờng rơ ngan broă 2 gah lơh ngan gàr sùm broă tàm pơgơl mpồl mờ tìp măt kwang bàng kâp dờng sùm.

Củ tịc Quôk hội ồng Vương Đình Huệ đơs nền: Quôk hội Việt Nam sền gròi ngan broă lơh lơh mờ lơh sir kơrnoăt boh lam, adat boh lam nàng lơh geh jơnau sồr bơh broă lơh tam gơl pa mờ mŭt gơrờm bal mờ dunia, sùm kờñ bal mờ jơh nùs jăt sền, tơnguh broă lơh jăt ală broă lơh, rơndăp broă lơh lơh broă bal đah 2 Cíñ phủ Việt Nam mờ Lào. Bè gùng dà sơlơ lơh broă bal đah 2 gah tàm tơngai tus, bàr nă kwang đơng lam bồ đơs sùm broă 2 gah pal pơgồp bal lơh jăt niam ală jơnau ring bal kwang bàng kâp dờng. Bàr gah dùl nùs bal pal pơn jăt tai lơh ngan jòi ală broă lơh bơtàu tơnguh mhar nàng kờñ tơnguh bơngă lơh broă bal lơh sa gơ gơs dùl broă ngan ngồn tàm bơta gĭt gơ̆p đah 2 lơgar, ndrờm pal mờ bơta gĭt gơp dờng màng Việt Nam mờ Lào.

Cau mblàng Lơ Mu K’Yến