VOV4.K’ho- Mho ngai 12/09, Củ tịc Quôk hội ồng Vương Đình Huệ neh geh dơ̆ wă mờ cribơyai mờ Củ tịc Quôk hội lơgar Campuchia ồng Samdech Heng Samrin lòt còp ngan ngồn Việt Nam. Củ tịc Quôk hội ồng Vương Đình Huệ đơs nền, Việt Nam sùm sền dờng màng mờ lời ai bơta ai lài uă ngan rlau jơh ai broă sơlơ tơnguh bơta gĭt gơ̆p “lơgar rềp bal niam bơnĕ, gĭt gơ̆p lơh bơyô bal bơh yau, lơh broă bal tơl ală bơta, kơ̆ kơl jăp jŏ jòng” mờ Campuchia, kung bè gĭt gơ̆p tam klăc bal pe lơgar Đông Dương.

Củ tịc Quôk hội ồng Vương Đình Huệ đơs là, nàng kờñ bơtàu tơnguh wơl mờ bơtàu tơnguh lơh sa- mpồl bơtiàn, bàr gah pal mhar kĭ hơ Hiệp địñ kă bro tiah nhàr lơgar; lơh jăt geh cồng nha Sră cih kah bè bơtàu tơnguh mờ tàm tơrbŏ phan bơna kă bro tiah nhàr lơgar; lam lơh jăt geh cồng nha Hiệp địñ Hòi jà mờ Sền gàr dong kờl bơcri priă mờ Hiệp địñ Pleh tă dia bàr dơ̆. Quôk hội 2 lơgar bal mờ gơ̆p ai tơl bơta ƀươn rlau tai ai ală mpồl lơh sa kă bro in lòt rê kă bro. Việt Nam geh pơn jăt tai hòi jà ală mpồl lơh sa kă bro bơcri priă tàm Campuchia.

            Cau mblàng Lơ Mu K’Yến