VOV4.K’ho- Dờp jơnau jà bơh Củ tịc Quốk hội ồng Vương Đình Huệ, Củ tịc Quốk hội lơgar Mozambique lam bồ Mpồl kwang bàng Quốk hội lơgar Mozambique còp ngan ngồn lơgar Cộng hoà xã hội củ nghĩa Việt Nam bơh ngai 18 tus ngai 23/06 mờ bơta đơng lam bơh Củ tịc Quốk hội ồng Vương Đình Huệ dê. Tơnơ̆ dơ̆ wă neh bơyai lơh tìp mat cribơyai đah Mpồl kwang bàng kấp dờng Quốk hội 2 lơgar dê.

Củ tịc Quốk hội ồng Vương Đình Huệ cribơyai mờ Củ tịc Quốk hội Mozambique 

Tàm dơ̆ cribơyai, Củ tịc Quốk hội ồng Vương Đình Huệ đơs ngan Việt Nam sền dờng màng ngan gĭt gơ̆p lơh broă bal, lơh bơyô bal bơh jŏ mờ lơgar Mozambique; là lơgar pal lơh lài sơlơ tơnguh gĭt gơ̆p cíñ trị- lơh broă mờ lơgar ndai mờ lơh broă bal lơh sa tàm câu Phi tàm tơngai bè tŭ do. Bàr Củ tịc Quốk hội pin dờn Sră cih kah bè lơh broă bal đah Quốk hội Việt Nam mờ Quốk hội Mozambique geh kĭ tàm dơ̆ lòt còp ngan ngồn do geh tàm tơrbŏ bal 2 Quốk hội rềp mềl rlau tai, gơ gơs là bơta gĭt gơ̆p lam lài đah Quốk hội 2 lơgar dê, do geh là bơnàng jă adat boh lam kwơ màng nàng Quốk hội 2 lơgar in sùm bơt bơtàu mờ sơlơ tơnguh gĭt gơ̆p lơh broă bal tàm tơngai tus.

Cau mblàng K’Hạnh