Tơnơ̆ dơ̆ bơyai lơh wă rò, Củ tịc Quôk hội Việt Nam ồng Vương Đình Huệ neh cribơyai mờ Củ tịc Thượng viện lơgar Tây ồng Gérard Larcher. Dơ̆ lòt còp ngan ngồn là tềl kah nàng bàr gah in lơh jrô ơnàng, tơl làm mờ cồng nha rlau tai bơta gĭt gơ̆p bơh bàr lơgar dê. Tàm dơ̆ cribơyai, 2 nă kwang đơng lam bồ ndrờm đơs bal là, tàm tŭ tơngai bè tŭ do, bàr gah gơtùi sơlơ tơnguh rlau tai tàm ală broă, bè: bơtàu tơnguh kơ̆ kơl jăp, năng lượng, lơh sơnơm, ală kơlôi sơnơng, tàm yal tơngĭt bal bơta mờng chài tàm broă lơh adat boh lam. Củ tịc Quôk hội Việt Nam sồr bàr gah tơnguh lơh broă bal sền gàr dà lơgar mờ lơngăp lơngai; lam lơh jăt geh cồng nha ală jơnau ring bal lơh broă bal mìng dùl gah broă lơh neh kĭ; pơn jăt tai lơh jăt ală tơngume, broă pa bè lơh broă bal tàm cribơyai mờ sền gàr jơnau yal tơngĭt ndơ̆p ndơr, kơlôi sơnơng kòp tiah duh sùh iò...

Tơnơ̆ dơ̆ cribơyai tơn, Củ tịc Quôk hội Việt Nam ồng Vương Đình Huệ mờ Củ tịc Thượng viện lơgar Tây ồng Gérard Larcher neh drơng lơh bal Dơ̆ sơnđờm lơh ală broă lơh tơngkah kir sơnrai 50 nam lơh bơta gĭt gơ̆p Cribơyai broă mờ lơgar ndai.