VOV4.K’ho- Mho ngai 29/09, tàm Hìu Quôk hội, Củ tịc Quôk hội ồng Vương Đình Huệ neh cribơyai mờ Thủ tướng lơgar Kộng hoà Cuba ồng Manuel Marrero Cruz gam lơh jăt dơ̆ lòt còp gĭt gơ̆p lơh bơyô ngan ngồn lơgar Việt Nam bơh ngai 28/09 tus ngai 02/10. Tàm dơ̆ cribơyai, Củ tịc Quôk hội Việt Nam ồng Vương Đình Huệ đơs nền, Quôk hội mờ làng bol Việt Nam sùm ơm rềp bal dùl nùs bal mờ broă lơh kăc màng dipal ngan bơh làng bol Cuba oh mi dê; sền dờng màng, prăp gàr mờ pơgồp bơnah bơtàu tơnguh rlau tai nùs nhơm tam klăc bal, gĭt gơ̆p lơh bơyô mờ gĭt gơ̆p lơh broă bal dờng màng đah Việt Nam mờ Cuba.

Củ tịc Quôk hội đơs nền, Quôk hội Việt Nam geh pơn jăt tai lơh broă bal kơ̆ kơl jăp mờ Quôk hội Cuba nàng kờñ cribơyai bơta mờng chài bè broă lơh adat boh lam, jăt sền mơkung pơgồp bal kơ̆ kơl jăp tàm ală dơ̆ pơrjum nghị viện dunia mờ kơnhoàl ù tiah do. Thủ tướng Cuba đơs nền, Cuba jờng rơ ngan nùs nhơm gĭt gơ̆p lơh bơyô bal ờs mờng bơh yau dờng màng đah bàr lơgar neh geh Củ tịc Hồ Chí Minh mờ Kwang đơng lam bồ lơgar Cuba lài do ồng Phidel Castro bơ̆t bơtàu mờ geh uă rơnàng Kwang bàng đơng lam bồ mờ làng bol bàr lơgar roh uă dà kơlhề bơ̆t bơtàu mờ sền gàr.

Cau cih VOV Tây Nguyên- Cau mblàng Lơ Mu K’Yến