Tàm dơ̆ cribơyai tàm điện thoại, 2 gah ndrờm ring bal pal pơn jat tai sơlơ tơnguh lơh broă bal gĭt gơ̆p lơh bơyô bơh yau mờ lơgar Campuchia, jơh bal gah Đảng, Quôk hội, Cíñ phủ mờ tìp mat lơh kwèng làng bol, ngan là sồr lơh geh dơ̆ tìp mat kwang đơng lam bồ kấp dờng 2 Đảng dê, pơrjum dơ̆ 13 bơh Pơrjum Ủy ƀan tàm bơrlŭ bal đah lơgar Việt Nam mờ Campuchia bè  lơh broă bal lơh sa, kă bro, bơcri priă, niam chài, khoa họk mờ kỹ thuật, pơrjum ală càr tiah nhàr lơgar. 2 gah pơn jat tai gàr niam lơh broă bal geh cồng nha đah Ƀộ Quôk phòng, Ƀộ Kwang àng, Ƀộ Ngoại giao lơgar Việt Nam mờ Ƀộ Quôk phòng, Ƀộ Nội vụ, Ƀộ Ngoại giao mờ lơh broă bal dunia mờ lơgar Campuchia; pơgồp bal sơlơ tơnguh lơh broă bal tàm tiah nhàr lơgar bơh 2 lơgar dê gơ gơs tiah ring lơngai mờ bơtàu tơnguh.

Củ tịc Thượng viện lơgar Campuchia kơ̆p kờñ 2 gah lơh broă bal nàng kờñ kơryan broă lơh kă bro ma túy. 2 nă kwang đơng lam bồ ring bal mờ broă 2 lơgar pơgồp bal niam, dong kờl lơgar Lào lơh niam geh cồng nha gơnoar broă Củ tịc Asean, Củ tịc AIPA nam 2024 mờ sơlơ tơnguh tam klăc bal ală lơgar Asean.