Pơrjum Nghị sĩ kơnòm să gùt plai ù dơ̆ 9 tàm Hà Nội rơ̆p bơyai lơh bơh ngai 14 tus ngai 18/09/2023 do mờ tơngume “Gơnoar broă bơh rơnàng kơnòm să dê tàm broă chồl tơnguh lơh ală Jơnau kờñ bơtàu tơnguh kơ̆ kơl jăp bơh tam gơl sồ mờ tam gơl pa bơceh lơh”. Tus tŭ do, neh geh 64 mpồl cih mat tus bal pơrjum, mờ 244 nă cau. Do là broă lơh lơh broă mờ lơgar ndai uă lơgar mìng dùl lơm bơh Quốk hội lơgar Việt Nam drơng lơh tàm nam do.

Củ tịc Quốk hội ồng Vương Đình Huệ sồr ală mpồl dềt, Mpồl rơndăp broă lơh kơlôi sơnơng, iăt kơno ală jơnau đơs tă pơgồp tàm dơ̆ pơrjum nàng lơh sir broă rcang lài; lơh sir ală broă geh bơyai lơh nền nòn bơh tơl broă lơh, tơl dơ̆ pơrjum dê; kờp sền nền nòn ngan tơl tơngume; pal geh rơndăp broă lơh rcang lài ai tơl bơta gơlik geh nàng pleh gơtìp rơmơ̆p ndơl. Bè mpồl dềt Tơngume, pal geh bơta rcang lài nền cê, ngan ngồn, niam. Broă lơh gàr niam lơngăp lơngai, rơndăp tăp sèng sàng goh phan ngui sa pal geh gàr niam jăt mờ jơnau sồr.