VOV4.K’ho- Drim ngai 10/10, tàm Hìu lơh broă Quôk hội bơh bơta đơng lam bơh Củ tịc Quôk hội ồng Vương Đình Huệ, pơrjum dơ̆ 16 bơh Ủy ƀan Thường vụ Quôk hội neh sơnđờm mŭt pơrjum. Geh bơyai lơh tàm 3 ngai, tàm pơrjum do, Ủy ƀan Thường vụ Quôk hội ai jơnau đơs bè ală tơngume kwơ màng nàng yal mờ Quôk hội in tàm pơrjum dơ̆ 4, Quôk hội khoá 15, kờp dŭ geh sơnđờm mŭt pơrjum tàm ngai 20/10 tus.

Củ tịc Quôk hội ồng Vương Đình Huệ đơng lam pơrjum dơ̆ 16 bơh Ủy ƀan Thường vụ Quôk hội

Sơnđờm mŭt pơrjum, Củ tịc Quôk hội ồng Vương Đình Huệ đơs loh bàr pe tơngume kwơ màng tàm pơrjum do, Ủy ƀan Thường vụ Quôk hội geh ai jơnau đơs tàm ală jơnau yal bơh Cíñ phủ dê bè lơh sa- mpồl bơtiàn mờ kes priă dà lơgar. Tềng đap bơta kal bè bơh ală bơta lơh sa tàm dunia dê, ai tàm lơgar, bơdìh mờ ală tŭ niam, kung geh ờ dùl ết ală bơta ờ pràn, bơta kal ke mờ bơta lòng, den tàng, pal sền sơ wì nền jơnau gơbàn, jơnau bơsram mờng chài, ngan là gùng dà jơnau kờñ, gùng dà broă lơh ai nam 2023, tơngkah Ủy ƀan Thường vụ Quôk hội lơh jăt niam nùs nhơm pơrjum dà lơgar dơ̆ 6, jat tàm bơta geh ngan gùng dà broă lơh tam gơl priă nhai, priă nhai cau neh jơh sơnam lơh broă, priă dong kờl Bảo hiểm xã hội mờ priă dong kờl cau geh màng mờ dà lơgar tàm nam 2023 nàng sền sơ wì mờ lơh nền.

VOV Tây Nguyên- Cau mblàng K’Hạnh